Enero 27, 2014 Ebanghelyo Sumala ni San Marcos 3:22-30

v22Unya ang pipila ka mga magtutudlo sa Balaod nga nangabot gikan sa Jerusalem miingon, "Anaa kaniya si Beelsebul! Ang pangulo sa mga yawa maoy naghatag kaniyag gahom sa paghingilin sa mga yawa!"
v23Tungod niini gipaduol ni Jesus ang mga tawo ug gisuginlan niya silag mga sambingay: "Unsaon man ni Satanas paghingilin kang Satanas? v24Kon ang mga tawo sa usa ka nasod mag-unay pag-away, mapukan kanang nasora. v25Kon ang mga sakop sa usa ka panimalay mabahin ug mag-unay pag-away, mabungkag gayod kanang panimalaya. v26Busa kon ang gingharian ni Satanas magkabahinbahin, dili kini molungtad kondili mapukan ug matapos hinuon."
v27"Walay makasulod sa balay sa usa ka tawo nga kusgan ug makakawat sa iyang mga kabtangan gawas kon iya unang gaposon ang tawo nga kusgan. Unya makahimo na siya pagkawat sa mga butang sa maong tawo."v28"Timan-i ninyo kini: mapasaylo ang mga tawo sa tanan nilang mga sala ug sa tanang daotan nilang sulti.b v29Apan ang tawo nga nagpasipala sa Espiritu Santo dili gayod mapasaylo kay nakabuhat man siyag sala nga dili gayod mapapas."(v30Gisulti kini ni Jesus kay may pipila man gud ka tawo nga miingon nga siya giyawaan.)