Gipasidaan na Usab ni Jesus ang Iyang Kamatayon
Mateo 17:22-23
v22Sa diha nga ang tanang tinun-an nagkapundok didto sa Galilea, miingon si Jesus kanila, "Ang Anak sa Tawo hapit na itugyan ngadto sa mga tawo v23nga mopatay kaniya; apan sa ikatulo ka adlaw mabanhaw siya." Tungod niini nasubo pag-ayo ang mga tinun-an.
Ang Pagbayad sa Buhis alang sa Templo
v24Sa pag-abot ni Jesus ug sa iyang mga tinun-an didto sa Capernaum, ang mga kobrador sa buhis alang sa Templo miduol kang Pedro ug nangutana, "Nagbayad ba ang iyong Magtutudlo sa buhis alang sa Templo?"
v25"Oo, nagbayad," mitubag si Pedro.
Sa pagsulod ni Pedro sa balay, miuna pagsulti si Jesus, "Simon, unsa may imong hunahuna? Kinsa man ang magbayad ug buhis o sa mga bayranan ngadto sa mga hari niining kalibotana? Ang mga lungs4oranon ba o ang mga langyaw?"v26Si Pedro mitubag, "Ang mga langyaw."
Si Jesus miingon, "Kon mao kana, ang mga lungsoranon dili kinahanglan mobayad. v27Apan dili kita buot nga kining mga tawhana masilo. Busa lakaw ngadto sa lanaw ug pamasol; bitara ang unang isda nga mokubit, ug sa baba niini hikit-an mo ang usa ka salapi nga igong ibayad sa imo ug sa akong buhis alang sa Templo; kuhaa kini ug bayri ang atong buhis."
Walang komento:
Mag-post ng isang Komento