Gisaway ni Jesus ang Ilang Pagpakaaron-ingnon
Mateo 23:13-22
v13"Pagkaalaot ninyong mga magtutudlo sa Balaod ug kamong mga Pariseo! Mga tigpakaaron-ingnon! Gitrangkahan ninyo ang pultahan sa Gingharian sa langit atubangan sa mga tawo, apan kamo mismo dili mosulod, ni pasudlon ninyo ang mga tawo nga gustong mosulod!b
v15"Pagkaalaot ninyong mga magtutudlo sa Balaod ug kamong mga Pariseo! Mga tigpakaaron-ingnon! Molawig kamo sa kadagatan ug baktason ninyo ang mga kayutaan aron pagkabig ug tawo, ug sa nakabig na siya, gihimo ninyo siya nga labi pang angay nga maimpiyerno kay kaninyo!
v16"Pagkaalaot ninyong mga giya nga buta! Nagtudlo kamo nga, 'Kon ang usa ka tawo manumpa tungod sa Templo, dili kinahanglan nga tumanon niya ang iyang panaad; apan kon manumpa siya tungod sa bulawan nga anaa sa Templo, obligado siya pagtuman sa iyang panaad.' v17Mga buta ug mga buangbuang! Hain may labing importante: ang bulawan ba o ang Templo nga maoy nakabalaan sa bulawan? v18Nagtudlo usab kamo nga kon may manumpa tungod sa halaran dili kinahanglan nga tumanon niya ang iyang panaad; apan kon manumpa siya tungod sa gasa nga anaa sa halaran, kinahanglan tumanon niya ang iyang panaad. v19Pagkabuta gayod ninyo! Hain may labing importante: ang gasa ba o ang halaran nga maoy nakabalaan sa gasa? v20Busa kon may manumpa sa halaran, nanumpa siya niini ug sa tanang gasa nga anaa sa halaran; v21ug kon may manumpa sa Templo, nanumpa siya niini ug sa Dios nga nagpuyo didto; v22ug kon may manumpa sa langit, nanumpa siya sa trono sa Dios ug kaniya nga naglingkod niini.
Walang komento:
Mag-post ng isang Komento