AGOSTO 30, 2013 ANG EBANHELYO SA PAGSAYSAY NI SAN MATEO

Ang Sambingay Mahitungod sa Napulo ka Dalaga

Mateo 25:1-13

v1"Niadtong adlawa ang Gingharian sa langit mahisama sa napulo ka dalaga nga nagdala sa ilang mga suga ug nanglakaw aron pagsugat sa pamanhonon. v2Danghag ang lima kanila, ug maalamon ang laing lima. v3Ang mga danghag nagdala sa ilang mga suga apan wala sila magtagana pagdalag lana nga igdudugang, v4samtang ang mga maalamon nagdalag mga sudlanan nga punog lana uban sa ilang mga suga. v5Ang pamanhonon nalangan pag-abot, busa nagduka ug nakatulog ang mga dalaga.
v6"Tungang gabii na kadto sa dihang milanog ang usa ka singgit, 'Ania na ang pamanhonon! Dali kamo ug sugata siya!' v7Nangmata ang mga dalaga ug giandam nila ang ilang mga suga. v8Unya ang mga danghag miingon sa mga maalamon, 'Bahini kamig diyotay sa inyong lana, kay hapit na mangapalong ang among mga suga.' v9Apan ang mga maalamon mitubag, 'Ayaw kay dili na paigo ang lana alang kaninyo ug kanamo. Lakat hinuon kamo sa tindahan ug palit kamog inyong magamit.' v10Busa ang mga danghag nga dalaga milakaw aron pagpalit ug lana, ug sa wala na sila didto, miabot ang pamanhonon. Ang lima ka dalaga nga nakapangandam mikuyog kaniya pagsulod ngadto sa kombira sa kasal ug gisirhan ang pultahan.
v11"Unya miabot ang ubang mga dalaga ug misangpit sila, 'Sir, sir, pasudla kami!' v12Apan ang pamanhonon mitubag, 'Wala ako makaila kaninyo.'"
v13Ug gitapos ni Jesus ang sambingay sa pag-ingon, "Busa pagtukaw kamo kay wala kamo mahibalo sa adlaw o sa takna.