Kinsa ang Labing Dako?
Mateo 18:1-5, 10-14
v1Niadtong higayona ang mga tinun-an nangadto kang Jesus ug nangutana, "Kinsa man ang labing dako sa Gingharian sa langit?"
v2Si Jesus mitawag ug usa ka bata ug gipatindog niya sa atubangan nila, v3ug miingon siya, "Hinumdomi kini: gawas kon mausab kamo ug mahimong sama sa mga bata, dili gayod kamo makasulod sa Gingharian sa langit. v4Ang labing dako sa Gingharian sa langit mao ang magpaubos sa iyang kaugalingon ug magpakasama niining bataa.
v5Ug ang magadawat ug usa ka bata nga sama niini sa akong ngalan, magdawat kanako.
v10"Matngoni ninyo nga dili kamo magtamay bisag usa niining mga gagmayng bata. Kay sultihan ko kamo nga ang ilang mga anghel atua kanunay sa atubangan sa akong Amahan didto sa langit.
v12"Sa inyong hunahuna, unsa may buhaton sa usa ka tawo kon kawad-an siyag usa sa iyang usa ka gatos ka karnero? Iya gayong biyaan ang kasiyaman ug siyam nga manibsib didto sa bungtod ug molakaw siya aron pagpangita sa nawala. v13Sultihan ko kamo nga inigkakaplag niya niini, mas malipay pa siya pag-ayo tungod niining karneroha kay sa kasiyamag-siyam nga wala mawala. v14Sa mao nga pagkaagi, ang inyongb Amahan nga atua sa langit dili buot nga may mawala bisag usa niining mga gagmayng bata.
Walang komento:
Mag-post ng isang Komento