AGOSTO 24, 2013 ANG MAAYONG BALITA

JOHN 1:45-51

45Nakit-an ni Felipe si Natanael ug giingnan, "Nakita namo ang gihisgotan ni Moises sa basahon sa Balaod ug gihisgotan usab sa mga propeta. Siya mao si Jesus, ang anak ni Jose nga taga-Nazaret."
v46"May maayo ba gud nga gikan sa Nazaret?" nangutana si Natanael.
"Dali diri ug tan-awa," mitubag si Felipe.

v47Sa pagkakita ni Jesus kang Natanael nga nagpadulong kaniya, miingon siya, "Aniay tinuod gayod nga Israelita ug hingpit ang iyang pagkamatinud-anon!"
v48"Nganong nakaila ka man kanako?" nangutana si Natanael kaniya.
Si Jesus mitubag, "Nakita ko ikaw didto ilalom sa kahoyng igera sa wala ka pa tawga ni Felipe."
v49Si Natanael mitubag, "Magtutudlo, ikaw mao ang Anak sa Dios! Ikaw ang Hari sa Israel!"
v50Si Jesus miingon, "Mituo ka ba tungod lang kay miingon ako kanimo nga nakita ko ikaw ilalom sa kahoyng igera? Makakita ka unyag mas kahibulongan pa niini!" v51Ug miingon siya kanila, "Sultihan ko kamo: makita ninyo ang langit nga maabli ug ang mga anghel sa Dios nga magsaka-kanaog diha sa Anak sa Tawo!"