MATEO 23:27-32
v27"Pagkaalaot ninyong mga magtutudlo sa Balaod ug kamong mga Pariseo! Mga tigpakaaron-ingnon! Sama kamo sa mga pantiyon nga pinintalag puti, nga maanindot tan-awon sa gawas, apan sa sulod puno sa mga bukog sa mga patay ug sa mga hugawng butang. v28Sa samang paagi, sa gawas makita sa tanan nga kamo maayo, apan sa sulod ninyo puno kamo sa mga pagpakaaron-ingnon ug sa mga sala.
v29"Pagkaalaot ninyong mga magtutudlo sa Balaod ug kamong mga Pariseo! Mga tigpakaaron-ingnon! Nagbuhat kamog mga maanindot nga lubnganan alang sa mga propeta ug giadornohan ninyo ang mga monumento niadtong mga maayog kinabuhi, v30ug nag-ingon kamo, 'Kon kami nagpuyo pa sa panahon sa atong mga katigulangan, dili unta namo himoon ang ilang gibuhat, ni patyon ang mga propeta.' v31Busa giangkon ninyo nga mga kaliwat kamo niadtong mga tawo nga mipatay sa mga propeta! v32Busa padayon ug tiwasa ninyo ang gisugdan sa inyong mga katigulangan!
Walang komento:
Mag-post ng isang Komento