Ang Sigpit nga Pultahan
LUKE 13:22-30
v22Mipadayon si Jesus paingon sa Jerusalem ug nanudlo siya sa kalungsoran ug sa kabalangayan nga iyang giagian. v23Unya may usa ka tawo nga nangutana kaniya, "Sir, diyutay ra ba ang maluwas?" Jesus mitubag, v24"Paningkamot kamo pagsulod sa sigpit nga pultahan kay daghan ang mosulay apan dili makasulod. v25Mobangon ang pangulo sa panimalay ug sirhan niya ang pultahan. Unya magtindog kamo didto sa gawas ug magsugod kamo pagtuktok sa pultahan ug moingon, 'Sir, ablihi intawon ang pultahan!' Ug motubag siya kaninyo, 'Wala ako mahibalo kon taga diin kamo!' v26Unya motubag usab kamo, 'Mikaon ug miinom kami uban kanimo ug diha kami sa nanudlo ikaw sa among lungsod!' v27Apan motubag siya pag-usab, 'Wala ako mahibalo kon taga diin kamo. Palayo kamo kanako---kamong mga daotan!' v28Maghilak unya kamo ug magkagot ang inyong mga ngipon inigkakita ninyo kang Abraham, kang Isaac ug kang Jacob ug sa tanang mga propeta didto sa Gingharian sa Dios samtang kamo adto ra sa gawas! v29Daghang mga tawo ang mangabot gikan sa sidlakan ug sa kasadpan ug gikan sa amihanan ug sa habagatan nga motambong sa kan-anan didto sa Gingharian sa Dios. v30Ug unya adunay naulahi nga mahiuna ug aduna usay nahiuna nga maulahi."
Walang komento:
Mag-post ng isang Komento