EBANGHELYO

SEPTIEMBRE 8, 2014
SAN MATEO 1:1-16, 18-23

v1Mao kini ang talaan sa kagikan ni Jesu-Cristo, kaliwat ni Haring David nga kaliwat ni Abraham.
v2-6aGikan kang Abraham ngadto kang Haring David mao ang mosunod nga mga kaliwatan:
Abraham, amahan ni Isaac
Isaac, amahan ni Jacob
Jacob, amahan ni Juda ug sa iyang mga igsoon
Juda, amahan ni Pereza ug ni Sera (si Tamar ang ilang inahan)
Perez, amahan ni Hezron
Hezron, amahan ni Aram
Aram, amahan ni Aminadab
Aminadab, amahan ni Naason
Naason, amahan ni Salmon
Salmon, amahan ni Boas (si Rahab ang iyang inahan)
Boas, amahan ni Obed (si Ruth ang iyang inahan)
Obed, amahan ni Jesse
Jesse, amahan ni David nga hari
Haring David
v6b-11Gikan kang Hari David hangtod sa panahon sa pagkabihag sa mga Israelita ngadto sa Babilonia mao ang mosunod:
Hari David, amahan ni Solomon (ang iyang inahan asawa kanhi ni Urias)
Solomon, amahan ni Rehoboam
Rehoboam, amahan ni Abias
Abias, amahan ni Asa
Asa, amahan ni Josafat
Josafat, amahan ni Joram
Joram, amahan ni Usias
Usias, amahan ni Jotam
Jotam, amahan ni Ahas
Ahas, amahan ni Ezequias
Ezequias, amahan ni Manases
Manases, amahan ni Amon
Amon, amahan ni Josias
Josias, amahan ni Joaquin ug sa iyang mga igsoon.
v12-16Gikan sa pagkabihag sa mga Israelita ngadto sa Babilonia hangtod nga natawo ang Mesiyas mao ang mosunod:
Jeconias, amahan ni Salatiel
Salatiel, amahan ni Sorobabel
Sorobabel, amahan ni Abiud
Abiud, amahan ni Eliakim
Eliakim, amahan ni Asor
Asor, amahan ni Sadok
Sadok, amahan ni Aquim
Aquim, amahan ni Eliud
Eliud, amahan ni Eleasar
Eleasar, amahan ni Matan
Matan, amahan ni Jacob
Jacob, amahan ni Jose
Jose (bana ni Maria nga maoy inahan ni Jesus nga giilang Mesiyas).

v18Mao kini ang kaagi sa pagkatawo ni Jesu-Cristo. Ang iyang inahan nga si Maria niadtong panahona gitakda nga maminyob kang Jose. Apan sa wala pa sila magtipon nakamatikod si Maria nga nagsabak siya pinaagi sa gahom sa Espiritu Santo. v19Si Jose nga iyang pamanhonon tawo nga matarong ug dili buot nga pakaulawan niya si Maria atubangan sa mga tawo. Busa nagplano siya sa pagpakigbulag kaniya sa hilom. v20Samtang naghunahuna siya niini, mipakita kaniya ang usa ka anghel sa Ginoo pinaagi sa damgo ug miingon, "Jose, kaliwat ni David, ayaw kahadlok sa pagpangasawa kang Maria kay siya nagsabak pinaagi sa gahom sa Espiritu Santo. v21Manganak siyag batang lalaki ug nganli siyag Jesus kay luwason niya ang iyang katawhan gikan sa ilang kasal-anan."
v22Ug kining tanan nahitabo aron matuman ang giingon sa Ginoo pinaagi sa propeta, v23"Ang usa ka putli nga batan-ong babaye magsabak unya manganak ug batang lalaki. Nganlan siyag Immanuel" (nga sa ato pa, "Ang Dios ania uban kanato").