EBANGHELYO

SEPTIEMBRE 16, 2014
SAN LUCAS 7:11-14

Gibanhaw ni Jesus ang Anak nga Lalaki sa Biyuda 
v11Unya wala madugay,a miadto si Jesus sa lungsod sa Nain. Mikuyog kaniya ang iyang mga tinun-an ug ang usa ka dakong panon sa mga tawo. v12Sa pag-abot niya sa ganghaan sa lungsod, mao gayoy paggula sa mga tawo aron maglubong ug minatay. Ang minatay bugtong anak nga lalaki sa usa ka biyuda ug mikuyog kaniya ang daghang mga tawo gikan sa lungsod. v13Sa pagkakita ni Jesus sa biyuda, naluoy siya ug miingon sa babaye, "Ayaw paghilak." v14Unya miduol si Jesus ug gihikap niya ang lungon ug mihunong ang mga tawo nga nagyayong sa lungon. Unya miingon si Jesus, "Dong, bangon!" v15Mibangon ang batan-on nga patay na unta ug misulti. Ug gitugyan siya ni Jesus ngadto sa iyang inahan. v16Nahadlok ug nahibulong ang tanan ug gidayeg nila ang Dios nga nag-ingon, "Usa ka gamhanang propeta ang ania uban kanato! Ang Dios mipadayag ug pagtagad sa iyang katawhan!" 
v17Mikaylap sa tibuok Judea ug sa kasikbit nga kayutaan ang maong balita mahitungod kang Jesus.