Salmo

Septiembre 12,2014
Awit 84:3.4.5-6.8.12

Panginoon, sa templo mo, mga maya'y nagpupugad,
Maging ibong layang-layang sa templo mo'y nagagalak,
May inakay na kalinga sa tabi ng iyong altar;
O Yahweh, hari namin at Diyos na walang kupas.
Mapalad na masasabi, silang doo'y tumatahan
At palaging umaawit, nagpupuring walang hanggan.
Ang sa iyo umaasa'y masasabing mapalad din,
Silang mga naghahangad na sa Sio'y makarating.
Habang sila'y naglalakbay sa tigang na kapatagan,
Tuyong lupa'y binabaha sa maagap na pag-ulan.
Dinggin mo ang dalangin ko, O Makapangyarihang Diyos,
O ikaw na Diyos ni Jacob, dinggin mo ang iyong lingkod.
Mapalad na masasabi ang sa iyo'y magtiwala,
Hindi sila mabibigo, yamang ikaw ay dakila!