UNANG PAGBASA

SEPTIEMBRE 21, 2014
ISAIAS 55:6-9

v6Dangop sa Ginoo samtang may panahon pa; 
sangpita ninyo siya samtang siya duol pa. 
v7Pabiyaa ang mga daotan sa ilang mga sala, 
ug ipasalikway sa mga makasasala ang ilang mga daotang hunahuna. 
Pabalika sila sa Ginoo aron kaluy-an sila, pabalika sa atong Dios, 
kay andam siya sa pagpasaylo. 

v8"Kay ang akong hunahuna dili sama sa inyong hunahuna, 
ug ang akong mga laraw dili sama sa inyong mga laraw, nag-ingon ang Ginoo. 
v9Kay sama nga ang kalangitan habog kay sa yuta, 
ang akong mga laraw habog kay sa inyong mga laraw, 
ug ang akong hunahuna kay sa inyong hunahuna.