Ang Lubnganan nga Wala nay Sulod
(Juan 20:1-2)
v1Sayo sa buntag sa unang adlaw sa semanaa samtang ngitngit pa, si Maria Magdalena miadto sa lubnganan ug nakita niya nga ang bato naligid na gikan sa baba sa lubnganan. v2Midagan siya ug miadto kang Simon Pedro ug sa tinun-an nga gimahal ni Jesus ug giingnan niya sila, "Gikuha nila sa lubnganan ang Ginoo ug wala kami mahibalo kon hain nila ibutang siya!"
Nagpakita si Jesus kang Maria Magdalena
(Juan 20:11-18)
v11Apan si Maria nagtindog nga naghilak didto sa gawas sa lubnganan. Unya miyuko siya aron paglili sa lubnganan v12ug nakita niya didto ang duha ka anghel nga nagbistig puti ug naglingkod sa dapit nga nahimutangan sa lawas ni Jesus. Ang usa didto dapit sa ulohan ug ang usa dapit sa tiilan. v13"Babaye, nganong naghilak ka man?" sila nangutana kaniya.
Si Maria mitubag, "Ila man gud nga gikuha ang akong Ginoo ug wala ako mahibalo kon hain nila ibutang siya!"
v14Sa pagkahuman niyag sulti niini, milingi siya ug iyang nakita si Jesus nga nagbarog didto apan wala siya makaila nga si Jesus diay kadto. v15"Babaye, nganong naghilak ka man?" nangutana si Jesus kaniya. "Kinsa man ang imong gipangita?"
Nagtuo si Maria nga siya mao ang hardinero, busa miingon siya kaniya, "Kon ikaw maoy nagkuha kaniya, tug-ani ako kon hain mo siya ibutang kay kuhaon ko siya."
v16Si Jesus miingon kaniya, "Maria!" Ug si Maria miatubang kang Jesus ug miingon sa Hebreo, "Rabboni!" (nga sa ato pa, "Magtutudlo.")
v17Unya giingnan siya ni Jesus, "Ayaw akog hikapa kay wala pa ako makabalik sa Amahan. Adtoa hinuon ang akong kaigsoonan ug suginli sila nga moadto ako sa akong Amahan ug inyong Amahan, sa akong Dios ug inyong Dios."
v18Busa gisuginlan ni Maria Magdalena ang mga tinun-an nga nakakita siya sa Ginoo ug gisaysay niya kanila ang gisulti ni Jesus kaniya.
Walang komento:
Mag-post ng isang Komento