HULYO 15, 2013 ANG MAAYONG BALITA

Dili Kalinaw kondili Espada

Mateo 10:34-42

v34"Ayaw kamo paghunahuna nga mianhi ako aron pagdalag kalinaw sa kalibotan. Dili kalinaw ang akong gidala kondili espada. v35Hinuon mianhi ako aron magkabangi ang mga anak nga lalaki ug ang ilang amahan, ang mga anak nga babaye ug ang ilang inahan ug ang mga umagad nga babaye ug ang ilang ugangan nga babaye. v36Ang labing ngil-ad nga kaaway sa tawo mao ra unya ang mga sakop sa iyang kaugalingong panimalay.
v37"Ang nagmahal sa iyang amahan o inahan labaw kay kanako dili takos nga mahimong tinun-an nako. Kadtong nagmahal sa iyang anak labaw kay kanako, dili usab takos mahimong tinun-an nako. v38Ang dili mopas-an sa iyang krus ug mosunod kanako, dili takos mahimong tinun-an nako. v39Ug kadtong maniguro sa iyang kaugalingong kinabuhi, kawad-an niini. Apan ang kawad-an sa iyang kinabuhi tungod kanako, makabaton hinuon niini.

Mga Ganti

v40"Ang nagdawat kaninyo, nagdawat usab kanako ug ang nagdawat kanako, nagdawat usab kaniya nga nagsugo kanako. v41Ang nagdawat sa usa ka propeta tungod sa iyang pagkapropeta makadawat usab sa ganti alang sa usa ka propeta. Ang nagdawat sa tawo nga matarong, tungod sa iyang pagkamatarong, makadawat usab sa ganti nga alang sa tawo nga matarong. v42Ug hinumdomi kini: kadtong nagpainom ug bisan na lag bugnawng tubig sa labing ubos sa akong mga sumusunod tungod kay siya akong sumusunod, gantihan gayod."