HULYO 5, 2013 (ANG EBANGHELYO SUMALA NI SAN MATEO)

Ang Pagtawag kang Mateo

MATEO 9:9-14

v9Unya mibiya si Jesus niadtong dapita ug samtang naglakaw siya, nakita niya ang usa ka kobrador sa buhis nga ginganlag Mateo nga naglingkod sulod sa iyang opisina. Miingon si Jesus kaniya, "Sunod kanako."
Mitindog si Mateo ug misunod kaniya.
v10Samtang nagkaon si Jesus didto sa balay,b may daghang kobrador sa buhis ug mga makasasala nga miduol ug misalo kaniya ug sa iyang mga tinun-an. v11Nakakita niini ang pipila ka Pariseo ug miingon sila sa iyang mga tinun-an, "Nganong nakigsalo man ang inyong magtutudlo sa mga kobrador sa buhis ug sa mga makasasala?"
v12Nakadungog si Jesus kanila ug mitubag, "Ang mga tawo nga walay sakit wala magkinahanglag doktor kondili ang masakiton ra. v13Susiha ninyo kon unsay kahulogan niining bahina sa kasulatan nga nag-ingon, 'Pagkamaluloy-on ang akong gusto, dili mga halad.' Kay wala ako moanhi aron pagtawag sa mga matarong kondili sa mga makasasala."


===================================

          Anak ako sa usa ka criminal, 3 yrs. old pa lang ko sulod gawas na ang akong amahan sa presohan. Sige siya ug puga mao nagkadako iyang kaso ug kung makagawas pud  dali ra pud makabalik sa bilangoan.  Aduna siyay 9 ka major  nga kaso. Katapusang napatay niya usa ka judge.

                Tungod sa maong klasing amahan ug pamilya rejected ko bisan asa. Wala koy mga higala kay anak man sa criminal. Kantsyaw ang kanunay nakong mabati. (Uy ang anak sa tulisan ug criminal nia). Bisan sa lolo nako,  amahan sa akong mama hayop ang pagtan – aw sa ako.

                Kung unsa daw ang punoan mao pud ang bunga. Wala daw koy maayong kaugmaon kay dautan daw ang akong amahan, dautan pud kuno ko. Kung naay bisita sa balay dili ko puydi mo atubang itago ko sa kwarto aron dili sila maulawan. Sakit nga kasinatian. Apan wala koy mahimo. Bisan unsa akong himoon puro sayop. Hangtud gipalayas ko.

                One day nakaila nako ang usa ka Muslim. Concern kayo siya sa ako ug mas makasabot pa siya sa akong kahimtang. Nakapangutana ko kung ngano? Mahal daw gihapon ko sa Dios o ni Allah.  Mao nga nagpangita ko kinsa ug unsa nang Dios hangtud nga nakaila nako ang taga simbahan ug nabati nako nga kining mga tawhana walay pakialam kung kinsa ko ug asang pamilyaha ko gikan. Ug hinay hinay gipaila nila nako si Hesus ang tinood nga HIGALA.

 Ang na amigo nako nga muslim ug taga simbahan,  instrumento diay sila sa Dios sa Pag – hinigalaay. Andam Siya modawat bisan kinsa pa man ko bisan unsa man kadaut ang akong kagahapon.

Ang Iyang pakighigala maoy nakahatag kanako ug kusog sa pag atubang ug pagpadayon sa kinabuhi.  

                “Miingon Siya sunod kanako”.  

Alang kanako ang iyang pagpasunod kanako adunay rason aron kuhaon ko gikan sa kaulawan ug aron mahimong gawasnon. Kay dugay kung gipakaulawan.

Salamat Ginoo nga nakig - Higala ug nakig - himamat kanako.