Ang mga Lungsod nga Wala Motuo
MATEO 11:20-24
v20Unya gisaway pag-ayo ni Jesus ang mga lungsod diin niya himoa ang kadaghanan sa iyang mga milagro kay ang mga tawo didto wala man maghinulsol sa ilang mga sala. v21"Pagkaalaot nimo, Corasin! Pagkaalaot usab nimo, Betsaida! Kay kon ang mga milagro nga nahimo diha kaninyo didto pa himoa sa Tiro ug sa Sidon, ang mga tawo didto dugay na unta nga nagsul-ob ug sako ug nagbolibod ug abo sa ilang ulo aron pagpaila nga sila naghinulsol sa ilang mga sala. v22Busa hinumdomi nga sa Adlaw sa Paghukom, ang Dios mas maluoy pa sa mga taga-Tiro ug sa taga-Sidon kay kaninyo! v23Ug ikaw, Capernaum, abi nimog ipahitaas ka ngadto sa langit? Dili. Itambog ka hinuon ngadto sa impirno! Kay kon ang mga milagro nga nahimo diha kanimo didto pa himoa sa Sodoma, ania pa unta kini hangtod karong adlawa! v24Busa hinumdomi nga sa Adlaw sa Paghukom, ang Dios mas maluoy pa sa Sodoma kay kanimo!"
Walang komento:
Mag-post ng isang Komento