HULYO 6, 2013 SANTOS NGA EBANGHELYO

Ang Pangutana bahin sa Pagpuasa

(Mateo 9:14-17)

v14Unya miadto kang Jesus ang mga tinun-an ni Juan nga Magbubunyag ug nangutana, "Nganong kami ra man ug ang mga Pariseo ang nagpuasa kanunay apan ang imong mga tinun-an wala?"
v15Si Jesus mitubag, "Naghunahuna ba diay kamo nga magsubo ang mga dinapit sa kombira sa kasal samtang ang pamanhonon uban pa kanila? Dili gayod! Apan moabot ang panahon nga ang pamanhonon kuhaon gikan kanila ug magpuasa na unya sila.
v16"Walay mogamit ug bag-ong panapton aron itapak sa daang bisti kay ang bag-ong panapton mokulo man ug modako hinuon ang gisi niini. v17Ug walay tawo nga mogamit ug daang sudlanan nga panit aron sudlan sa bag-ong bino. Kay kon himoon niya kini, mabusbos ang sudlanan ug unya mausik ang bino ug madaot ang sudlanan. Apan ang bag-ong bino isulod hinuon sa mga sudlanan nga bag-o aron dili madaot ang bino ug ang mga sudlanan."