HULYO 31, 2013 ANG EBANGHELYO KARON

Ang Sambingay mahitungod sa Gitagoang Bahandi

Mateo 13:44-46

v44"Ang paghari sa Dios sama sa usa ka bahandi nga gilubong didto sa usa ka uma. Hikalotan kini sa usa ka tawo apan iya kining gitabonan pag-usab. Hilabihan niyang lipaya ug tungod niini milakaw siya ug iyang gibaligya ang tanan niyang katigayonan ug unya mibalik siya ug iyang gipalit ang uma.

Ang Sambingay mahitungod sa Perlas

v45"Ang paghari sa Dios sama usab sa usa ka negosyante nga nangitag maanindot nga mga perlas. v46Sa dihang nakakaplag siyag usa ka perlas nga may talagsaong kaanindot, milakaw siya ug gibaligya ang tanan niyang katigayonan ug unya gipalit niya ang perlas.