Hulyo 3, 2013 ( ANG SANTOS NGA EBANGHELYO SUMALA SA PAGSAYSAY NI SAN JUAN)

Si Tomas nga Nagduhaduha

Juan 20:24-29

v24Si Tomas nga ginganlag Kaluha, usa sa 12 ka tinun-an, wala mahiuban kanila sa pag-anha ni Jesus. v25Busa gisuginlan siya sa ubang mga tinun-an, "Nakita namo ang Ginoo!"
Si Tomas miingon kanila, "Gawas kon makita ko ug ikabutang ang akong tudlo sa inagian sa mga lansang diha sa iyang kamot ug mahikap ko ang samad sa iyang kilid, dili ako motuo."
v26Human molabay ang usa ka semana, nagtigom na usab ang mga tinun-an sulod sa lawak ug uban na kanila si Tomas. Gitrangkahan ang mga pultahan apan mitungha si Jesus ug mitindog sa taliwala nila ug miingon, "Mainyo ang kalinaw." v27Unya miingon siya kang Tomas, "Tan-awa ang akong kamot ug hikapa kini. Hikapa usab ang samad sa akong kilid. Tuo ug ayaw na pagduhaduha!"
v28Si Tomas miingon kaniya, "Ginoo ko ug Dios ko!"
v29Unya miingon si Jesus kaniya, "Mituo ka ba tungod kay nakakita ka kanako? Bulahan kadtong motuo bisan wala makakita kanako!"

==============================================

Ang tinood nga panaghigalaay adunay pagsalig o tiwala, walang iwanan, laging nandiyan sa panahon sa kaguol ug kalisdanan. Ang Ginoong Hesus sa Ebanghelyo karon nagkighimamat na usab sa Iyang mga higala labi na jud kang Tomas nga nagduha-duha sa pagtoo.
Isip Higala gipakita ni Hesus ang Iyang mga samad. Samad sa paghigugma sa iyang mga Higala. Sama usab nato usahay masakitan ug masamdan sa paghigugma sa atong mga higala.
Apan hinaut pa nga bisan adunay sakit nga experience ang panaghigalaay dili ta mobiya sa usa sa atong mga higala.
Sama kang Hesus kanunay nakighimamat ug nakighigala kanato sa Santos nga Misa.