HULYO 29, 2013 EBANGHELYO KARON

Si Jesus Mao ang Pagkabanhaw ug ang Kinabuhi

Juan 11:17-27

v17Sa pag-abot ni Jesus, nasayran niya nga si Lazaro upat na ka adlaw didto sa sulod sa lubnganan.a v18Ang Betania mga tulo ka kilometro lamang gikan sa Jerusalem v19ug daghan ang mga Judio nga miduaw kang Marta ug kang Maria aron pagduyog sa ilang kaguol tungod sa kamatayon sa ilang igsoon.
v20Sa pagkabalita ni Marta nga miabot si Jesus, migula siya aron sa pagsugat kaniya apan si Maria nagpabilin sa balay. v21Si Marta miingon kang Jesus, "Kon dinhi ka pa lamang, Ginoo, dili unta mamatay ang akong igsoon! v22Hinuon, nasayod ako nga bisan karon mohatag ang Dios kanimo bisag unsay imong pangayoon."
v23Si Jesus miingon kaniya, "Mabanhaw ang imong igsoon."
v24Siya11:24 2 Mac. 7:22-23; 12:44. mitubag, "Nahibalo ako nga mabanhaw siya sa kataposang adlaw."
v25Ug si Jesus miingon kaniya, "Ako mao ang pagkabanhaw ug ang kinabuhi.b Ang nagtuo kanako, bisan tuod mamatay, mabuhi. v26Ug ang tanan nga buhi ug nagtuo kanako dili gayod mamatay. Mituo ka ba niini?"
v27Ug siya mitubag, "Oo, Ginoo, mituo ako nga ikaw ang Mesiyas, ang Anak sa Dios nga gisaad nga moanhi sa kalibotan."