Hulyo 4, 2013 (ANG SANTOS NGA EBANGHELYO SUMALA NI SAN MATEO)

Giayo ni Jesus ang Usa ka Paralitiko

MATEO9:1-8

v1Misakay si Jesus sa usa ka sakayan ug mibalik pagtabok sa lanaw ug miabot sa iyang kaugalingong lungsod.a v2Unya may pipila ka tawo nga naghatod ngadto kaniya ug usa ka paralitiko nga gipahigda sa duyan. Nakita ni Jesus ang kadako sa ilang pagsalig kaniya ug miingon siya sa paralitiko, "Anak, ayaw kabalaka kay gipasaylo na ang imong mga sala."
v3Unya may pipila ka magtutudlo sa Balaod nga miingon sa ilang kaugalingon, "Nagpasipala sa Dios kining tawhana!"
v4Nasayod si Jesus sa ilang gihunahuna ug miingon siya, "Nganong naghunahuna man kamog daotan? v5Hain may sayon isulti, 'Gipasaylo na ang imong mga sala' o 'Bangon ug lakaw'? v6Karon ipakita ko kaninyo nga ang Anak sa Tawo may gahom dinhi sa yuta sa pagpasaylo sa mga sala." Busa miingon siya sa paralitiko, "Bangon, dad-a ang imong gihigdaan ug pauli sa inyo!"
v7Ug mibangon ang paralitiko ug mipauli. v8Sa pagkakita sa mga tawo niini, nahingangha sila ug gidayeg nila ang Dios tungod sa paghatag niya niining gahoma ngadto sa mga tawo.

=========================================================

Lisod kaayo sa kinabuhi kung puro nalang sayop ang makita sa kadaghanan. Walay moduol, walay motabang, walay molingi, ug labaw na kung walay mopasaylo. Mas kuyaw nga sakit sa katilingban dili kini matambalan.
Si Hesus nagpakita sa iyang pagkatinood nga higala sa tanan wala Siya magkwenta unsa kadako ang sala sa tawo. Gihatagan Niya ug chance ang bisan kinsa nga buot mo himamat KANIYA ug mosinati sa kayohan ug kapasayloan. Labaw sa tanan mamahimong IYANG Higala.