Gisaysay ni Jesus ang Sambingay Mahitungod sa Magpupugas
Mateo 13:18-23
v18"Busa pamati kamo, ug sabta ninyo ang kahulogan sa sambingay mahitungod sa magpupugas. v19Kadtong nakadungog sa mensahe mahitungod sa gingharian apan wala makasabot niini mao ang binhi nga nahulog didto sa agianan. Miabot ang Yawa ug gisakmit ang gipugas didto kanila. v20Ang binhi nga nahulog sa yutang batoon mao ang mga tawo nga malipayong midawat sa mensahe sa pagkadungog nila niini. v21Apan dili kini makagamot diha kanila, busa dili sila molahutay. Sa pag-abot sa mga kalisdanan ug mga paglutos tungod sa mensahe, moundang dayon sila.
v22Ug ang binhi nga nahulog sa dapit sa mga sampinit mao ang mga tawo nga nakadungog sa mensahe, apan ang mga kabalaka bahin niining kinabuhia ug ang gugma alang sa mga bahandi molumos sa mensahe, ug dili sila makabunga. v23Ug ang binhi nga napugas didto sa maayong yuta mao ang mga tawo nga nakadungog ug nakasabot sa mensahe; mamunga sila: may mamungag taggatos, ang uban tagkan-uman, ug ang uban tagkatloan."
Walang komento:
Mag-post ng isang Komento