Ang Sambingay mahitungod sa Magpupugas
Mateo 13:1-9
v1Niana gihapong adlawa mibiya si Jesus sa balay ug milingkod sa daplin sa lanaw. v2Unya tungod sa daghan kaayong mga tawo nga mialirong kaniya, misakay siya sa usa ka sakayan. Milingkod siya didto samtang ang mga tawo nagtindog sa daplin sa lanaw. v3Migamit siyag mga sambingay aron pagtudlo kanilag daghang mga butang.
Miingon siya, "May usa ka tawo nga miadto sa uma aron pagpugas. v4Sa pagsabod niya sa binhi, adunay nahulog sa agianan ug miabot ang mga langgam ug gipanuka kini. v5Ang uban nahulog sa yuta nga batoon ug nanurok dayon kay diyutay ra man ug dili lawom ang yuta niini. v6Apan sa pagsubang na sa adlaw, nalawos ang bag-ong nanurok ug kay wala man makagamot pag-ayo, nangalaya dayon kini. v7Ang ubang mga binhi didto nahulog sa dapit sa mga tunokong sagbot. Nanubo ang mga tunokong sagbot ug gilupig ang mga bag-ong tanom. v8Ug ang uban nahulog sa maayong yuta ug namunga. May namunga ug balig 100 ka pilo kay sa natanom, ang uban balig 60 ka pilo ug ang uban balig 30 ka pilo."
v9Ug miingon si Jesus, "Busa kon aduna kamoy dalunggan, pamati!"
Walang komento:
Mag-post ng isang Komento