Ebanghelyo

Agosto 28, 2014
Mateo 24:42-51

v42Busa pagbantay kamo, kay wala kamo masayod kon unsang adlawa moanhi ang Ginoo. v43Hinumdomi kini: kon ang agalon sa panimalay nasayod pa sa takna nga iabot sa kawatan, magtukaw gayod siya ug dili motugot nga ang kawatan molungkab sa balay. v44Busa kamo usab kinahanglan mag-andam kanunay, kay moabot ang Anak sa Tawo sa takna nga kamo wala magpaabot kaniya.

Ang Buotan ug ang Ligoy nga Sulugoon

v45"Busa, kinsa man ang buotan ug maalamon nga sulugoon? Kadtong gipiyalan sa iyang agalon sa pagdumala sa ubang mga sulugoon, ug sa paghatag kanilag pagkaon sa hustong panahon. v46Pagkabulahan niadtong sulugoon nga makaplagan sa iyang agalon nga nagtuman niini sa paghiuli niya! v47Sultihan ko kamo nga ang maong sulugoon himoon sa agalon nga piniyalan sa tanan niyang katigayonan. v48Apan kon siya daotang sulugoon, moingon siya sa iyang kaugalingon, 'Dugay pang mouli ang akong agalon.' v49ug mosugod siya pagpamunal sa iyang mga kaubang sulugoon, ug magpalabig kaon ug inom uban sa mga palahubog. v50Unya ang agalon niadtong sulugoon mahibalik usa niana ka adlaw nga wala niya paabota ug sa takna nga wala niya hibaloi; v51ug tagodtagoron siyac sa agalon ug pahiagomon siya sa gidangatan sa mga tigpakaaron-ingnon. Didto maghilak siya ug magkagot ang iyang ngipon.