UNANG PAGBASA

AGOSTO 31, 2014
JEREMIAS 20:7-9


v7O Ginoo, gilimbongan mo ako ug nalimbongan ako. 
Mas gamhanan ka kay kanako busa wala akoy dag-anan. 
Ang tanan nagbiaybiay kanako, 
ug gikataw-an ako nila sa tibuok adlaw. 

v8Kinahanglan gyod kong mosinggit, 
inigsulti nakog, "Kamatay! Kalaglagan!" 
O Ginoo, gibiaybiay ug giyam-iran ako nila kanunay 
kay gisangyaw ko man ang imong gisulti. 
v9Apan kon moingon gani ako nga kalimtan ko ikaw 
ug dili na ako magsangyaw sa imong ngalan, 
bation ko nga daw kalayo nga nagdilaab ang imong gisulti 
sulod sa akong kasingkasing ug kabukogan. 
Maluya akog pinugong niini 
ug dili ko na gayod kini kapugngan.