SALMO

AGOSTO 29, 2014
SALMO 71:2-6,15,17

v1Kanimo, O Ginoo, moduol ako aron imong panalipdan. 
Ayaw itugot nga mabuntog ako! 
v2Kay matarong man ikaw, tabangi ug luwasa ako. 
Pamatia ako ug luwasa! 
v3Tugoti nga ikaw mahimong akong salipdanang bato 
ug usa ka malig-ong kotaa nga mosalipod kanako. 
Dalangpanan ug panalipod ko ikaw. 

v4Luwasa ako, O Dios, gikan sa mga tawong daotan, 
gikan sa gahom sa bangis ug daotang mga tawo. 
v5Ikaw ang akong paglaom, O Ginoo, 
ug sukad pa sa akong pagkabatan-on misalig ako kanimo, O Ginoo. 
v6Sa tibuok kong kinabuhi misalig ako kanimo. 
Gipanalipdan mo ako sukad pa sa akong pagkahimugso.b 
Daygon ko ikaw kanunay! 

v15Isangyaw ko ang imong mga matarong nga buhat, 

ug isulti ko sa tibuok adlaw ang kaluwasan nga gikan kanimo 

bisan tuod ug dili ko kini matukib. 

v16Daygon nako ang imong gahom, O Ginoong Dios, 

ug isangyaw ko ang imong pagkamatarong, ang imoha ra gayod. 

v17O Dios, gitudloan mo ako sukad pa sa akong pagkabatan-on, 

ug gisangyaw ko gihapon ang imong kahibulongang mga buhat.