Salmo

Agosto 28, 2014
Salmo 145:2-7

Awit sa Pagdayega 

v2Pasalamatan ko ikaw sa adlawng tanan, 

ug dayegon ko ikaw hangtod sa kahangtoran. 

v3Gamhanan ang Ginoo ug angayan gayod nga daygon siya; 

dili matukib ang iyang gahom. 

v4Daygon ang imong nabuhat sa tanang kaliwatan; 

isangyaw nila ang mga buhat mong katingalahan. 

v5Isangyaw sa mga tawo ang imong himaya ug kahalangdon, 

ug pamalandongan ko ang kahibulongan mong mga buhat. 

v6Isangyaw sa mga tawo ang mga buhat mong katingalahan, 

ug isaysay ko usab ang imong gahom. 

v7Ipanugilon nila ang imong kaayo 

ug mag-awit sila sa imong pagkamatarong.