Ebanhelyo

 Agosto 21,2014
 Mateo 22:1-14

Ang Sambingay Mahitungod sa Kombira sa Kasal

v1Migamit na usab si Jesus ug mga sambingay sa iyang pagpakigsulti sa mga tawo. v2"Ang Gingharian sa langit sama sa usa ka hari nga naghikay ug usa ka kombira sa kasal alang sa iyang anak nga lalaki. v3Gisugo niya ang iyang mga sulugoon aron pagpahibalo sa mga dinapit nga paadtoon na sila sa kombira, apan mibalibad ang mga dinapit. v4Busa nagsugo siyag laing mga sulugoon ug giingnan niya, 'Sultihi ninyo ang mga dinapit nga andam na ang kombira; giihaw na ang akong mga baka ug ang mga pinatambok nga nati, ug nahikay na ang tanan. Pangari na kamo sa kombira sa kasal!' v5Apan wala magtagad ang mga dinapit, ug nagpadayon sila sa ilang mga bulohaton: ang usa miadto sa iyang uma, ang usa sa iyang tindahan, v6samtang ang uban midakop sa mga sulugoon, ug gibunalan ug gipatay nila. v7Tungod niini nasuko pag-ayo ang hari, ug gipadala niya ang iyang mga sundalo ug gipamatay kadtong mga mamumuno, ug gisunog ang ilang siyudad. v8Unya gitawag niya ang iyang mga sulugoon ug giingnan, 'Andam na ang akong kombira sa kasal, apan dili angay niini ang mga tawo nga akong gidapit. v9Busa pangadto kamo sa kadalanan ug dapita ang tanan nga inyong makaplagan.' v10Ug ang mga sulugoon nangadto sa kadalanan ug gidala nila ang tanan nga ilang nakaplagan, maayo ug daotan, ug napuno sa mga tawo ang dapit nga gikombirahan.

v11"Unya misulod ang hari aron pagtan-aw sa mga dinapit, ug nakita niya ang usa ka tawo nga wala magsul-ob ug bisti sa kasal. v12Gipangutana siya sa hari, 'Higala, giunsa man nimo pagsulod dinhi nga wala ka man magsul-ob sa bisti sa kasal?' Apan wala motingog ang tawo. v13Unya miingon ang hari sa iyang mga sulugoon, 'Gapusa ninyo ang iyang mga kamot ug tiil ug ilabog siya ngadto sa kangitngitan sa gawas. Didto maghilak siya ug magkagot ang iyang mga ngipon.'"
v14Ug gitapos ni Jesus ang sambingay sa pag-ingon, "Kay daghan ang gidapit, apan diyotay ra ang gipili."