SALMO

AGOSTO 30, 2014
SALMO 33:12-21


v12Bulahan ang nasod kansang Dios mao ang Ginoo! 
Bulahan ang katawhan nga gipili niya nga iyaha! 

v13Didto sa langit midungaw ang Ginoo 
ug nakita niya ang tanang katawhan. 
v14Sa dapit diin siya naghari, 

nagtan-aw siya sa tanan nga nagpuyo sa kalibotan. 
v15Siya ang naghulma sa tanan nilang hunahuna 
ug nasayod siya sa tanan nilang binuhatan. 

v16Dili magmadaogon ang usa ka hari 
tungod sa gamhanan niyang kasundalohan; 
ang usa ka sundalo dili magmadaogon pinaagi sa iyang kakusgan. 

v17Ang mga kabayong iggugubat 
dili kasaligan aron modaog, 
ug ang ilang kusog dili makaluwas. 

v18Gibantayan sa Ginoo 
ang nagpasidungog ug may kahadlok kaniya, 
kadtong nagsalig sa iyang gugma nga walay paglubad. 
v19Gilikay niya sila sa kamatayon 
ug giatiman panahon sa kagutom. 

v20Ang atong paglaom anaa sa Ginoo, 
kay siya ang atong tigpanalipod ug magtatabang. 
v21Malipayon kita tungod kaniya, 
kay misalig kita sa balaan niyang ngalan.