SALMO

AGOSTO 31, 2014
SALMO 63:2-9

v2Busa pakit-a ako kanimo diha sa imong Templo, 
ug pasud-onga ako sa imong gahom ug himaya. 
v3Ang imong gugma nga walay paglubad mas bililhon pa kay sa kinabuhi 
busa daygon ko ikaw. 

v4Pasalamatan ko ikaw samtang ako buhi pa, 
ug ibayaw ko ang akong mga kamot nganha kanimo samtang mag-ampo ako. 
v5Magkombira ang akong kalag ug matagbaw sa hingpit, 
ug mag-awit ako nga malipayon sa pagdayeg kanimo. 

v6Inighigda nako maghandom ako kanimo, 
ug sa tibuok gabii ikaw ang akong gihunahuna, 
v7kay sa tanang panahon gitabangan mo man ako. 
Sa landong sa imong mga pako, 
mag-awit ako nga malipayon. 
v8Ang akong kalag nagsalig kanimo 
ug gikuptan mo ako busa dili ako maunsa. 

v9Apan ang buot mopatay kanako 
mahiadto sa kahiladman sa kalibotan.